Quantcast

Barangay Ginebra Gin Kings, Meralco Bolts sisimulan ang Finals rematch

By


Laro Ngayon
(Quezon Convention Center)
7 p.m. Barangay Ginebra vs Meralco
(Game 1, best-of-7 Finals)

HINDING-HINDI makakalimutan ng Meralco Bolts ang Game Six, isang taon na nakaraan, sa muli nitong pakikipagharap sa kampeonato kontra Barangay Ginebra San Miguel sa Game One ngayon ng 2017 PBA Governor’s Cup best-of-seven Finals sa Quezon Convention Center sa Lucena City, Quezon Province.

Ganap na alas-7 ng gabi sasariwain ng Bolts at Gin Kings ang naganap na kampeonato sa kanilang unang paghaharap para pag-agawan ang krusyal na unang panalo na nakakapagtakda ng direksiyon ng labanan para sa pinakahuling korona ng liga.

Halos abot kamay noon ng Bolts ang titulo ng ikatlong kumperensiya ng liga matapos kapitan ang 2-1 abante bago na lamang bumangon ang Gin Kings para itabla ang serye at tuluyang agawin ang korona mula sa buzzer-beating 3-pointer ni Justin Brownlee.

Ang tira ni Brownlee ay tumapos sa walong taong pagkauhaw ng Gin Kings sa korona.

Magkakaiba ang hangarin ng bawat manlalaro ng magkabilang koponan sa kanilang pagtuntong sa kampeonato bagaman inaasahan nilang magiging pisikal at mas mahirap ang kanilang magiging laban sa ikalawang paghaharap lalo pa na kapwa uhaw sa titulo ang bawat isa.

“I don’t want to say its personal, but it is about competitiveness. It’s just something that we have been going on for now,” sabi ni Joe Devance ng Barangay Ginebra.

“Honestly, we want to keep this a Meralco versus Ginebra, coach Black versus coach Cone, AD vs Brownlee,” sabi ni Jared Dillinger ng Meralco.

Hindi rin maitatatwa ang pagiging magkaribal ng mga import na sina Brownlee at Allen Durham na siya rin mismong mga nagharap na import para sa dalawang koponan sa naunang klasikong serye.

“I think it will be a great series. It’s going to be a classic,” sabi ni Gin Kings coach Tim Cone, na magbabalik muli sa kampeonato bilang pinakapremyadong coach sa liga.

Complete stories on our Digital Edition newsstand for tablets, netbooks and mobile phones; 14-issue free trial. About to step out? Get breaking alerts on your mobile.phone. Text ON INQ BREAKING to 4467, for Globe, Smart and Sun subscribers in the Philippines.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

To subscribe to the Philippine Daily Inquirer newspaper in the Philippines, call +63 2 896-6000 for Metro Manila and Metro Cebu or email your subscription request here.

Factual errors? Contact the Philippine Daily Inquirer's day desk. Believe this article violates journalistic ethics? Contact the Inquirer's Reader's Advocate. Or write The Readers' Advocate: c/o Philippine Daily Inquirer Chino Roces Avenue corner Yague and Mascardo Streets, Makati City, Metro Manila, Philippines Or fax nos. +63 2 8974793 to 94





TODAY'S ISSUE OF BANDERA

Advertisement