DU30 binigyan ng 24 oras na ultimatum ang mga EU Ambassador para umalis ng PH

BINIGYAN ni Pangulong Duterte ng 24 oras na ultimatum ang mga Ambassador ng iba’t ibang bansa na kasapi ng European Union (EU) bilang resbak sa bantang aalisin ang Pilipinas bilang miyembro ng United Nations (UN).

“You leave my country in 24 hours. All of you,” sabi ni Duterte sa kanyang talumpati matapos pasinayaan ang briefing room sa New Executive Building (NEB) kahapon.

Kasabay nito, naghamon si Duterte na totohanin ang banta na alisin ang Pilipinas sa UN.

“Exclude us from the UN? P***** In* niyo gawin niyo,” dagdag ni Duterte.

Kampante naman si Duterte na susuportahan ang Pilipinas ng mga kaalyadong bansa.

“Do you think China and Russia will allow it?” ayon pa kay Duterte.

Nakatanggap naman ng mura ang mga miyembro ng EU.

“Estupido, g***, torpe,” ayon pa kay Duterte.

Ito’y bilang reaksyon sa banta ng pitong miyembro ng delegasyon ng EU na maaaring matanggal ang Pilipinas bilang miyembro ng United Nations Human Rights Council (UNHRC) .
Binatikos naman ni Duterte ang pakikialam ng EU.
” Do not f*** with us,” giit ni Duterte…I won’t allow anyone, not even the United States, to dictate on us,” ayon pa kay Duterte.
Idinagdag ni Duterte na inatasan na niya si Finance Secretry Carlos Dominguez na huwag nang tumanggap ng donasyon mula sa Great Britain.