Erich, Patrick patutunayang may ‘forever’

By Ervin Santiago October 13,2017
share this

Erich, Patrick patutunayang may ‘forever’

By Ervin Santiago October 13,2017
share this

ERICH GONZALES AT PATRICK GARCIA

MAGBABALIK si Erich Gonzales ngayong Sabado sa longest-running drama anthology sa Asia, ang Maalaala Mo Kaya hosted by Charo Santos.

Gaganap ang Kapamilya actress bilang si Mae, isang dalagang dumaan sa iba’t ibang hamon ng buhay ngunit hindi sumuko dahil sa kanyang pagmamahal sa lalaking nagparamdam sa kanya ng tunay na kahulugan ng pag-ibig.

Nang dahil sa mga kinakaharap na problema, sumali si Mae sa isang grupo ng mga hikers sa paniniwalang maliliwanagan ang kanyang isip sa mga bagay-bagay na bumabagabag sa kanya. Sa pag-akyat nila ng Mt. Daraitan, nakilala niya si Pio (Patrick Garcia) na naging kasintahan niya dahil na rin sa walang sawa nitong panliligaw sa kanya.

Nang mabuntis si Mae, nag-propose agad si Pio sa kanya at nangakong pananagutan ang batang nasa kanyang sinapupunan. Ngunit biglang masisira ang lahat ng kanilang plano sa buhay nang ma-diagnose si Pio ng Viral Encephalitis, isang sakit na nakakapagbura sa mga alaala ng taong meron nito.

Sa takot na mawala sa kanya ang taong pinakamamahal at magiging tatay ng kanyang anak, ginawa ni Mae ang lahat para hindi makalimutan ni Pio ang tungkol sa kanilang love story.

Makayanan kaya ni Mae ang panibagong pagsubok na ito?

Bukod kina Erich at Patrick, makakasama rin sa MMK episode na ito sina Mickey Ferriols, Glenda Garcia, Alvin Anson, Simon Ibarra, Joshua Zamora at Lemuel Pelayo. Ito’y sa direksyon ni Mae Cruz-Alviar at sa panulat ni Mary Rose Colindres.

Napapanood pa rin ang MMK tuwing Sabado ng gabi sa ABS-CBN pagkatapos ng Little Big Shots.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

TODAY'S ISSUE OF BANDERA
What's trending