Aga: May mga artistang nang-api sa akin noong nagsisimula ako! | Bandera

Aga: May mga artistang nang-api sa akin noong nagsisimula ako!

Ervin Santiago |October 13,2017
facebook
share this

Aga: May mga artistang nang-api sa akin noong nagsisimula ako!

Ervin Santiago - October 13, 2017 - 12:25 AM

AGA MUHLACH

PURING-PURI si Aga Muhlach ng mga co-stars niya sa pelikulang “Seven Sundays” under Star Cinema na showing na ngayon sa mga sinehan.

Walang masasabing nega sina Dingdong Dantes, Cristine Reyes, Enrique Gil at Ronaldo Valdez kay Aga, bukod daw kasi sa napaka-professional nito ay napakabait din ng aktor sa production, lalo na sa mga maliliit na trabahador ng Star Cinema.

“It’s flattering and, at the same time, it’s embarrassing when you’re being praised in front of madaming tao. But, you know, I’ll take it. Thank you, maraming salamat.

“In my experience, and even with my co-actors, wala akong inaaway, wala akong kinaiinggitan,” ang pahayag ni Aga sa nakaraang presscon ng “Seven Sundays”.

Dito rin inamin ni Morning na nakaranas din siya ng pang-aapi mula sa ilang artista na nakatrabaho niya noong nagsisimula pa lang siya sa showbiz.

“Naramdaman ko rin, kasi dati, meron ding mga artistang nang-api sa akin nu’ng bago pa lang ako. May nakita akong…kapag bagong sikat, makikita mo yung attitude nila na parang dadaanan ka na, parang, ‘Ba’t ganu’n?’” sey pa ng mister ni Charlene Gonzales.

Mula raw noon, palagi niyang sinasabi na kailangang maging mabait siya sa kanyang mga katrabaho para walang masabing masama sa kanya.

“Basta sinabi ko lang nu’n, nagdiin sa utak ko, yung sabi ko, ‘Pag ako nakapuwesto ako nang maganda, ‘yan ang hindi ko gagawin habang buhay.’ So, lahat ng nakasama ko, kahit mga bago, kahit matandang artista, ‘yung paggalang ko bilang tao, hindi ko iaalis yun.”

Nang tanungin si Aga kung sino ang mga artistang nang-api sa kanya noon, “Wala na sila. Wala na sila.”

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending