Naka-jackpot: ‘Kambal’ na swerte para kay Maymay
MAYMAY ENTRATA
TUHOG ang tagumpay ngayon ni PBB Lucky Season 7 Big Winner Maymay Entrata. Bukod sa success ng launching movie nila ni Edward Barber na “Loving In Tandem,” isa pang good news ang tinanggap ng dalaga.
Umabot na sa Platinum status ang debut album ni Maymay matapos itong bumenta ng 15,000 copies.
“Maraming, maraming salamat po sa lahat ng sumuporta. Sobrang saya ko po ngayon,” ayon sa dalaga matapos ibigay ang kanyang Platinum award sa ASAP.
Ni-launch ni Maymay ang kanyang album noong June 21 at agad itong nag-Gold. Kasama sa album ang kantang “Baliw”, ang duet nila ni Edward. Ang music video ng carrier single ng album na “Toinks” ay nakakuha na ng 1.4 million views sa YouTube.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.