Jake Zyrus pinuri ni prop, malalim ang hugot sa akting

JAKE ZYRUS

SA huling bahagi ng Maalaala Mo Kaya ay kumakanta si Jake Zyrus na hindi na bumibirit. Patikim niya ‘yun sa kanyang madalas sabihing pagboboses-lalaki na niya ngayon. Mababa na ang kanyang tono, wala nang anino ni Charice Pempengco, ang transman nang si Jake Zyrus ang kumakanta.

Isa ‘yun sa mga ipinabago ni Charice sa tahasan na niyang pagbabago ng itsura, boses-lalaki na siya, ‘yun na raw mismo ang masasaksihan ng ating mga kababayan sa mga darating niyang concert.

Napansin ng aming mga kaibigan, magaling daw palang umarte si Jake Zyrus, hindi lang daw pala siya mahusay na singer. May lalim ang kanyang pag-arte lalo na sa mga eksenang kinakawawa siya ng kanyang ina.

Hindi na nakapagtataka ‘yun dahil nang mapasama si Charice sa sikat na programang Glee ay sumailalim siya sa workshop.

Sabi pa ni prop, “Gusto ko ‘yung teaser, ‘yung parang nakahubad siya, sobrang ramdam na ramdam ko ang nakatagong galit sa puso ni Jake Zyrus. That single frame hooked me, kaya sinubaybayan ko ang istorya niya sa MMK.”

Mismo!