Panga, abs ni Aljur may sariling buhay; ibang-iba na ang akting sa 'Probinsyano' | Bandera

Panga, abs ni Aljur may sariling buhay; ibang-iba na ang akting sa ‘Probinsyano’

Cristy Fermin |August 26,2017
facebook
share this

Panga, abs ni Aljur may sariling buhay; ibang-iba na ang akting sa ‘Probinsyano’

Cristy Fermin - August 26, 2017 - 12:30 AM

ALJUR ABRENICA

MAGANDA ang ibinigay na role ng Ang Probinsyano kay Aljur Abrenica. Halatadong sumailalim sa workshop ang aktor na palaging kinakambalan ng bansag na hamonado.

Pinaghandaan muna ni Aljur ang serye, nagkaroon muna siya ng preparasyon dahil ibang-iba na ang acting niya ngayon, kahit pa maraming nagkokomentong mas magaling umarte si Vin kesa sa kanya.

Sabi ng isang kaibigan namin, “Pero talagang kailangang palaging nakahubad si Aljur sa mga eksena niya? Ganu’n ba talaga ‘yun? O dahil lang sa mainit sa quarrying site na pag-aari kunwari ng family niya?

“In fairness, mas pinagtrabahuhan ni Aljur ang magandang katawan niya. Nagmumura ang mga abs niya, ilang patong ‘yun!” komento ng aming source.

Napansin naman namin na palaging nag-ngangalit ang mga panga ni Aljur sa kanyang mga eksena.

Lutang na lutang ang mga panga ng aktor, nagsasalita rin ‘yun kahit walang dialogue, may sariling buhay ang magkabilang panga ni Aljur Abrenica.

Palagi kasing galit ang kanyang dating sa serye, maraming nang-aabala sa kanilang mag-ama sa raket nilang quarrying, kaya ang emosyon ni Aljur ay palaging nagagalit kundi man ngumingisi.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending