Ang BF na ba ang makakatuluyan? (2)

Sulat mula kay Angie ng St, Francis Village, Bagbag, Lapu-Lapu City,
Problema:
1. May boyfriend ako sa ngayon at two years na ang relasyon namin. Naisipan kong sumangguni sa inyo upang itanong kung kami na po ba ang makakatuluyan, kasi madalas na may nangyayari na sa amin? Kung kami ang magkakatuluyan magiging maligya naman kaya at magiging maunlad kaya ang aming itatayong pamilya?
2. At kung maisipan na naming magpakasal, ano kaya ang suwerte naming kulay lalo na sa araw ng aming kasal? November 16, 1992 ang birthday ko at June 29, 1992 naman ang boyfriend ko?
Umaasa,
Angie Lapu-Lapu City
Solusyon/Analysis:
Astrology:
Ang zodiac sign mong Scorpio (Illustration 2.) at Cancer naman ang boyfriend mo, ang nagsasabing sadyang tugma at compatible kayo sa isat-isa, dahil ang Cancer at Scorpio ay kapwa pinangingibabawan ng elementong water o tubig at sa sandaling kayo ang nagkatuluyan, may pangako ng isang masagana at maligayang pagsasama habang buhay.
Numerology:
Bukod sa zodiac sign na Scorpio at Cancer, sadyang tugma din ang inyong mga numero, dahil ang birth date mong 16 at 29 naman ang boyfriend mo ay kapwa pinaghaharian ng planetang Neptune-Moon, na ngangahulugang kapag kayo ay nagkatuluyan, habang nagtatagal mananatiling matatag at romantikong lagi ang inyong suyuan.
Luscher Color Test:
Mapalad naman ang kulay na dilaw at berde upang piliing motif o opisyal na kulay sa araw ng inyong kasal at puwede rin ang kulay na red. Ang nasabing mga kulay ay maaari ding ipintura o gawing kortina sa inyong itatayong bahay upang laging manahan ang suwerte at magandang kapalaran sa inyong pamilya.
Huling payo at paalala:
Angie ayon sa iyong kapalaran walang duda ang kasalukuyan mo na ngang boyfriend ang iyong makakatuluyan, at ang pag-iisang dibdib na tinuran ay tinatayang mangyayari at magaganap sa susunod na taong 2018 sa buwan ng Hunyo sa edad nyong 25, kung saan, ang nasabing pag-aasawa ay nakatakda na ngang maghatid ng isang maunlad at maligayang pagpapamilya habang buhay.