Mga Laro Bukas
(Ynares Sports Arena)
1 p.m. Marinerong Pilipino vs AMA Online Education
3 p.m. Racal vs Tanduay
5 p.m. Batangas vs Gamboa Coffee Mix
Team Standings: ^ Flying V (9-0); ^ Cignal HD (8-2); * Tanduay (7-2); Batangas (5-3); CEU (5-4); Marinero (5-4); Wangs Basketball (5-5); x Racal (3-5); x Gamboa (1-8); x AMA (1-8); x Zark’s (1-9)
^ – outright semis
* – assured of quarterfinals
x – eliminated
NAKUHA ng Cignal HD ang ikalawa at huling outright semifinals seat kahapon matapos na manaig ito kontra Centro Escolar University, 96-89, sa 2017 PBA D-League Foundation Cup sa Ynares Sports Arena, Pasig City.
Nanguna para sa Cignal HD si Jason Perkins na may 18 puntos, 10 rebounds, at tatlong assists.
Ito ang ikaanim na diretsong panalo para sa Hawkeyes na umangat sa 8-2 kartada sa likod ng 9-0 record ng
nangungunang Flying V.
Pinamunuan din ni Perkins ang 10-0 rally ng Cignal HD sa third quarter para ibigay sa koponan ang 69-60 kalamangan at hindi na lumingon pa.
Nag-ambag din si Byron Villarias ng 19 puntos para sa Hawkeyes.
Sa unang laro, naitala ni Jeron Teng ang kanyang ikalawang triple-double sa liga matapos na gumawa ng 20 points, 16 rebounds at 10 assists para pangunahan ang koponan sa 97-59 panalo kontra Zark’s Burgers.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.