Sorry na lang sa bashers: Alden faithful daw kay Maine
MARAMING natameme nang ideklara ni Alden Richards na faithful siya kay Maine Mendoza.
May mga dudero’t dudera pa rin sa pakikitungo kay Maine kaya hindi mamatay-matay ang tsismis sa Pambansang Bae at co-EB Dabarkads na si Patricia Tumulak na dumepensa na rin sa tsismis!
Ayon kay Patricia, hindi raw niya type si Alden kaya tigilan na ang pagli-link sa kanila ng Pambansang Bae. Sinabi rin ng beauty queen turned TV host na may boyfriend na siya.
Sa pahayag niya sa Pep.ph, “Sa tagal, sa dami at sa lalim ng pinagsamahan namin ni Maine ay hindi ko na papansinin ang ganitong bagay.”
Ang maganda sa ugali ni Alden, never niyang ginamit ang kanyang social media account para sagutin ang naninira sa kanyang pakikisama kay Meng. Consistent pa rin siya sa pagtu-tweet ng kanyang pananalig sa Diyos gaya nu’ng tweet niya kahapon.
“When you’re generous with your time and your blessings you’re saying that what matters to you most is God and people, love and sharing,” mensahe ni Alden.
Pagdating naman sa trabaho nila ni Maine, meron daw silang special at meaningful na magaganap sa first quarter ng 2018.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.