MAGANDANG araw po sa aksyon line at sa bumubuo ng inyong pahayagan. Ang nanay ko po ay na diagnosed na colon cancer at kailangan nya po na mag undergo ng chemo hindi naman po siya miyembro ng philhealth o nakabayad sa philhealth. Pero isa na po siyang senior citizen nasa 67 yrs old na po ang mother ko. Ask ko lang pi kung pwede ba siyang maka avail ng benefits o discount at ano po ang dapat naming gawin. Sana ay matulungan kami ng philhealth
Esmerald Rodriguez
Wagas St., Tondo Manila
Gng. Rodriguez:
Pagbati mula sa PhilHealth!
Nais po naming ipabatid na maaari pong magpa-rehistro ang isang senior citizen sa ilalim ng RA10645 o ang “Mandatory PhilHealth Coverage for all Senior Citizens” sa Office of the Senior Citizen Affairs (OSCA) ng municipalidad ng inyong lugar. Dalhin lamang po ang mga sumusunod na dokumento:
Maaayos na pinunang PhilHealth Member Registration Form (PMRF), pakitingin ang naka-attach na file;
Senior Citizen’s ID card na nanggaling sa OSCA o anumang dokumento na magpapatunay sa kanyang pagkakakilanlan at kanyang edad tulad ng Birth Certificate o passport.
Amin din pong ipinapaalam sa inyo na wala po kinakailangang bayaran na kontribusyon sa PhilHealth ang isang Senior Citizen, sa oras po na magkaroon ng ng PhilHealth Number ang inyong nanay ito po ay maaari ng gamitin sa kanyang pagpapagamot.
Para po sa iba pang katanungan maaari po kayong mag e-mail muli sa amin o tumawag sa aming action center hotline sa numerong (02) 441-7442.
Maaari rin po ninyong bisitahin ang aming website sawww.philhealth.gov.ph
Maraming salamat po!
Warm regards,
CORPORATE
ACTION CENTER
Website: www.philhealth.gov.ph
Twitter: @teamphilhealth
Facebook: www.facebook.com/PhilHealth
Call Center: 441-7442
May nais ba kayong isangguni sa Aksyon Line? Maaari kayong sumulat sa aming tanggapan Aksyon Line c/o Inquirer Bandera, MRP bldg., Mola st. cor. Pasong Tirad st., Makati City o kaya ay mag-email sa [email protected] or jenniferbilog97@ gmail.com.
Hangad ng Aksyon Line na buong puso namin kayong mapaglingkuran sa abot ng aming makakaya.
Ang inyo pong lingkod ay maaari rin mapakinggan sa Radyo Inquirer DZIQ 990AM sa Programang Let’s Talk; Mag-usap Tayo, tuwing Lunes, Miyerkules at Biyernes, alas-7 hanggang alas-8 ng gabi; at Isyu ng Bayan tuwing Linggo, alas-8 hanggang alas-10 ng umaga. Maaari rin po ninyo na matunghayan o mapanood sa pamamagitan ng live streaming www.ustream.tv/channel/dziq.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.