NABIGYAN ng cash relief assistance ng Overseas Workers Welfare Administration (OWWA) ang may 3,500 pamilya ng mga overseas Filipino workers (OFWs) na nasa Marawi City.
Ito ay sa gitna nang nagpapatuloy na bakbakan ng militar at ng mga terorista sa Marawi.
Umaabot na sa P7 milyon ang inilabas na pondo ng ahensya bilang tulong sa mga miyembro ng OWWA na apektado ng kaguluhan sa Mindanao.
Saklaw ng cash assistance ang mga aktibo at hindi aktibong miyembro ng OWWA alinsunod sa kanilang Welfare Assistance Program.
Ang mga aktibong miyembro ng OWWA ay tumanggap P3,000 habang P1,500 sa mga non-active member.
Para sa mga OFW na nais mag-avail ng welfare assistance program ay maaring magtungo sa Regional Welfare Office 10 o tumawag sa kanilang hotline (88) 857 8511; o mobile 0917 548 0033.
Hans Leo Cacdac
OWWA
Administator
May nais ba kayong isangguni sa Aksyon Line? Maaari kayong sumulat sa aming tanggapan Aksyon Line c/o Inquirer Bandera, MRP bldg., Mola st. cor. Pasong Tirad st., Makati City o kaya ay mag-email sa [email protected] or jenniferbilog97@ gmail.com.
Hangad ng Aksyon Line na buong puso namin kayong mapaglingkuran sa abot ng aming makakaya.
Ang inyo pong lingkod ay maaari rin mapakinggan sa Radyo Inquirer DZIQ 990AM sa Programang Let’s Talk; Mag-usap Tayo, tuwing Lunes, Miyerkules at Biyernes, alas-7 hanggang alas-8 ng gabi; at Isyu ng Bayan tuwing Linggo, alas-8 hanggang alas-10 ng umaga. Maaari rin po ninyo na matunghayan o mapanood sa pamamagitan ng live streaming www.ustream.tv/channel/dziq.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.