Confirmed: Maymay, Edward ka-join sa La Luna Sangre
TUWANG-TUWA siyempre ang mga tagasuporta nina Maymay Entrata at Edward Barber dahil kumpirmado na ngang makakasama ang dalawang Kapamilya youngstars sa bagong teleserye ng ABS-CBN, ang La Luna Sangre.
Ayon sa MayWard fans, isa na naman itong blessing para sa kanilang mga idolo. Bukod nga kasi sa pelikulang ginagawa nila ngayon, ang “Loving In Tandem” kasama sina Kisses Delavin at Marco Gallo, heto’t pasok na rin sina Maymay at Edward sa La Luna Sangre nina Kathryn Bernardo at Daniel Padilla.
Isang loyal fan ng MayWard (may handle name na @mayward4me) ang nag-post ng poster ng La Luna Sangre sa kanyang Instagram account kung saan nga nakalagay ang pangalan ng dalawang bagets na may “introducing” sa billing.
Sabi ng nasabing IG user, “OMG nakikita nyo ba ang Introducing??!!! Congratulations Maymay and Edward waaaaahhhhhh Ang daming blessings #mayward #maymayentrata #edwardbarber #MaymayToinksSingleLaunch!”
Last Saturday, kinumpirma nina Kathryn at Daniel na makakasama nga nila ang MayWard sa kanilang fantasy-action-drama-romcom series. At excited na rin sila na makatrabaho ang dalawa.
Wala pa kaming idea kung ano ang magiging role nina Edward at Maymay sa nasabing serye na nagsimula na kagabi pero siguradong may baon silang pakilig sa mga manonood. At sure rin kami na may hatid ding komedya ang dalawang bagets sa programa.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.