Pagkamatay ni Arjo sa Probinsyano ikinabwisit ng fans | Bandera

Pagkamatay ni Arjo sa Probinsyano ikinabwisit ng fans

Cristy Fermin |May 26,2017
facebook
share this

Pagkamatay ni Arjo sa Probinsyano ikinabwisit ng fans

Cristy Fermin - May 26, 2017 - 12:40 AM

ARJO ATAYDE

ARJO ATAYDE

INIS na inis ang anak-anakan naming si Jamie dahil nu’ng isang gabi ay pinatay na ang karakter ni Joaquin sa Ang Probinsyano. Hindi kasi ang kawalanghiyaan ng papel ni Arjo Atayde ang tinututukan ni Jamie kundi ang kanyang kaguwapuhan.

Sabi pa nito, “Wala akong pakialam sa mga pinaggagagawa niyang kawalanghiyaan sa serye. E, ano ba kung kaaway siyang karnal ni Coco Martin!

“Basta, guwapung-guwapo ako kay Arjo, ang ganda-ganda ng mga mata at ng dimples niya, ‘yun lang ‘yun! Kaya nga napakalungkot ko ngayon, pinatay na siya sa series, sino pa ang aabangan ko ngayon sa Ang Probinsyano?” tawa kami nang tawa sa ipinagsisintir ng aming anak-anakan.

Tapos na nga ang kuwento ni Joaquin sa serye, sa wakas ay nagtagumpay ang kabutihan sa kasamaan, kaya ang tanong ngayon ay sino naman ang papalit kay Joaquin bilang mortal na kaaway ni Ricardo Dalisay?

Sa cliffhanger nu’ng isang gabi ay ipinasilip na si Leon Guerrero! Ang napakatagal na na-miss ng mga kababayan nating action star na inagaw pansamantala ng mundo ng pulitika ay aarte na uli ngayon.
Sabi ng isang kaibigan naming becki, “Ay, napakaguwapo pa rin ni Senator Lito Lapid! Kahit becki ako, e, napanood ko ang mga pelikulang ginawa niya!

‘‘Napaka-macho kasi niya, lalaking-lalaki, saka napakagaling niya sa pagtalon sa kung anu-anong matataas na lugar na alam kong wala siyang double!

“Ay, susubaybayan ko siya sa Ang Probinsyano. Hindi ko palalampasin ang bawat episode nu’n, dahil nasa istorya na si Lito Lapid!” kuwento pa ng kaibigan naming si Sonia.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending