NANATILING buhay ang tsansa ng Mahindra Floodbuster na makausad sa playoff round matapos nitong maungusan ang Phoenix Petroleum Fuel Masters sa overtime, 122-121, sa kanilang 2017 PBA Commissioner’s Cup game Linggo sa Mall of Asia Arena sa Pasay City.
Gumawa si LA Revilla ng 26 puntos para pamunuan ang Floodbuster na umangat sa 3-7 kartada.
Si Reden Celda ay kumamada ng 25 puntos, kabilang ang game-clinching basket, habang sina Keith Wright at Eric Camson ay nag-ambag ng 18 at 17 puntos para sa Mahindra.
Si Jameel McKay ay kumana ng 18 puntos para pangunahan ang Phoenix Petroleum na nalaglag sa 4-6 record.
Si Matthew Wright ay umiskor ng 17 puntos habang sina RJ Jazul at Mark Borboran ay nagdagdag ng tig-15 puntos para Fuel Masters.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.