Batang Gilas naghari sa SEABA Under-16 Championship | Bandera

Batang Gilas naghari sa SEABA Under-16 Championship

Angelito Oredo |May 18,2017
facebook
share this

Batang Gilas naghari sa SEABA Under-16 Championship

Angelito Oredo - May 18, 2017 - 09:41 PM

HINDI napigilan ang Batang Gilas sa pagsungkit nito sa ikaapat na sunod na korona matapos apulahin ang lahat ng pagtatangka ng nakatapat na Malaysia bago itinala ang 83-62 panalo sa matira-matibay na kampeonato ng 2017 SEABA Under-16 Championship sa Smart Araneta Coliseum.

Nagtulong-tulong sina Kai Sotto, Recaredo Christian Calimag at Terrence John Fortea sa paghulog ng 15 puntos bawat isa habang may tig-13 si Raven John Cortez at John Liria para sa Batang Gilas na winalis ang lahat ng apat nitong laro para iuwi ang korona. Nagdagdag din si Sotto ng 12 rebounds at apat na blocks.

Huling tinalo ng Batang Gilas ang Thailand, 113-46, upang tumuntong sa kampeonato bago nito ipinalasap ang tanging kabiguan sa torneo sa Malaysia.

Nahablot naman ng Thailand (1-2) ang tansong medalya sa pagpapalasap ng ikaapat nitong sunod na kabiguan sa Singapore, 73-67.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending