Emoterang aktres istorbo ang trabaho, sobrang daldal | Bandera

Emoterang aktres istorbo ang trabaho, sobrang daldal

Cristy Fermin |May 18,2017
facebook
share this

Emoterang aktres istorbo ang trabaho, sobrang daldal

Cristy Fermin - May 18, 2017 - 12:15 AM

BLIND ITEM FEMALE 0329

MARAMING nakakaaliw na kuwentong umiikot ngayon tungkol sa isang female personality na kilalang-kilala at matagal nang ine-enjoy ang kanyang buhay-showbiz.

Mismong mga nakakatrabaho niya ang nagpapaikot ng mga kuwento ng kanyang kakuwanan, ibig sabihi’y kaartehan ng aktres, pero iniintindi na lang siya ng kanyang mga kasamahan.

Taping. Nasa set na ang lahat ng kanyang mga kaeksenang artista, nagpapalitan na ng mga dayalog para sa rehearsal take, pero wala pa sa lugar ang female personality.

Ilang balik na ang staff sa dressing room niya, oo naman siya nang oo na susunod na, pero pagkalipas nang mahabang panahon, e, wala pa rin siya sa set.

“So, balik na naman ang staff sa dressing room niya, tinatawag na naman niya ang female personality dahil nakahanda na ang mga kaeksena niya. Oo raw, susunod na siya, pero hindi pa rin siya lumalabas ng dressing room!

“Alam n’yo ba kung bakit? Daldal kasi siya nang daldal, kuwento nang kuwento sa mga kasama niyang fans sa dressing room niya.

Ang dami-dami niyang kuwento, hindi matapus-tapos, kaya palaging nagiging malaking abala ang pakikipagdaldalan niya sa taping,” natatawang kuwento ng aming source.

May ganu’n ngang sumpong ang sikat na female personality, kapag sinumpong siyang magkuwento ay ala nang makapipigil pa sa kanya, kung saan-saan napupunta ang kanyang mga istorya.

“Ibang klaseng mag-trip ang babaeng ‘yun! Kapag nasimulan na niya ang pagkuda, parang wala nang bukas, kesehodang ang dami-dami pang kukunang eksena na kasama siya siyempre, dahil siya ang bida!

“Marami siyang emote. Naghahalakhakan lang sila ngayon ng mga kakuwentuhan niya, pero maya-maya, bigla na lang siyang umiiyak. Kumpleto ang drama niya, di ba naman? May action, may comedy, may drama!

“Naku, Bradly Guevarra at Tita Nene Ulanday, walk in the park lang ang paghula kung sino siya, lalo na sa iyo, Bradly, dahil peborit mo siya!” pagtatapos ng aming impormante.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending