Mga Laro Ngayon (Araneta Coliseum)
3 p.m. Thailand vs Indonesia
5 p.m. Myanmar vs Vietnam
7 p.m. Malaysia vs Philippines
INUWI ng Gilas Pilipinas ang ikalawang sunod nitong panalo matapos tambakan ang Singapore, 113-66, sa 2017 SEABA Championship for Men Sabado ng gabi sa Smart Araneta Coliseum.
Hindi pinalasap ng ng kalamangan ng Gilas Pilipinas ang bisitang Singapore kung saan itinala nito ang malaking bentahe na 42 puntos, 93-51, sa pagsisimula ng ikaapat na yugto.
Natapos ang unang hati sa 34 puntos na kalamangan ng Gilas Pilipinas sa 63-29 matapos itala ang 25 rebounds, 14 assist at 10 fastbreak points sa pangunguna nina Roger Pogoy at Troy Rosario na may tig-9 na puntos.
Pinamunuan ni Calvin Abueva ang Gilas Pilipinas sa itinalang ng 16 puntos habang sina Allein Maliksi at Andray Blatche ay nagdagdag ng tig-14 puntos.
Si Matthew Wright ay nag-ambag ng 13 puntos habang si June Mar Fajardo ay may 11 puntos para sa mga Pinoy cagers.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.