Maine, Liza talbog sa bagong korona ni Kathryn

KATHRYN BERNARDO AT DANIEL PADILLA

SPEECHLESS si Kathryn Bernardo when we asked her sa bago niyang “korona” bilang Box-Office Queen aside from her title as the Teen Queen of showbusiness. Kinabog niya ang mga kasabayan niyang leading ladies from other loveteams gaya nina Maine Mendoza at Liza Soberano.

Napa-hay, sabay wasiwas naman ng kanyang kamay si Daniel Padilla during his turn to give his reaction as the new Box-Office King. Nagkibit-balikat na lang din si Daniel sa mga “nakalaban” niya for this title. Ang importante siguro sa kanya happy siya basta kasama niya si Kathryn.

Malaking birthday gift na rin kay Daniel ang bago niyang title. Magdiriwang ng kanyang 22nd birthday ang Teen King on April 26. Pero kung dito sa Palawan nag-celebrate ng birthday si Kathryn with Daniel, we heard mukhang sa ibang bansa naman magse-celebrate ang Teen King.

Nakausap namin sina Kathryn at Daniel sa special block screening ng KB Buddies para sa latest blockbuster film nilang “Can’t Help Falling In Love.” Ang KB Buddies ay exclusive fans ni Kathryn worldwide. Every time may movie si Kathryn, meron talaga silang ino-organize na block screening para sa fans.

Hindi man nakakarating ang fans ni Kathryn na nasa ibang bansa, sila naman ang nagpapadala ng tulong pinansyal sa local chapter ng fans club nila bilang suporta sa movie ni Kathryn.

Hindi naman binigo nina Kathryn at Daniel ang KB Buddies dahil dumating sila sa block screening. Bago sila tawagin on stage, nasilip na namin ang dalawa sa isang sulok ng stage na nag-uusap habang hawak-hawak ng dalawang kamay ni Daniel ang mukha ni Kathryn na parang gigil na gigil. At pagkatapos ay hinalikan niya ang dalaga.

Naku, kung nakita ‘yun ng KB Buddies tiyak magtitilian sila sa kilig. Kunsabagay, ilang beses ding ginawa ni Daniel ‘yun kay Kathryn sa “Can’t Help Falling In Love.” Kaya sulit na sulit ang KB Buddies sa ginastos nila sa block screening.

In fairness, parang mas gusto namin ang performance nina Kathryn at Daniel sa “Can’t Help…” Pinatunayan ni Daniel na mas mahusay siyang umarte kesa sa ibang male stars ng ibang loveteams of this generation. And with Kathryn, pahusay nang pahusay siya every time napapanood namin siya especially sa pelikula.

Again, congratulations sa KB Buddies, sa KathNiel dahil another blockbuster ang movie nila and lastly, advance happy birthday Tita Long!