Ika-2 sunod panalo puntirya ng San Miguel Beermen | Bandera

Ika-2 sunod panalo puntirya ng San Miguel Beermen

Angelito Oredo |April 07,2017
facebook
share this

Ika-2 sunod panalo puntirya ng San Miguel Beermen

Angelito Oredo - April 07, 2017 - 12:10 AM

Mga Laro Ngayon
(Mall of Asia Arena)
4:15 p.m. NLEX vs TNT
7 p.m. San Miguel Beer vs Phoenix Petroleum

Team Standings: Alaska (4-0); Star (4-0); San Miguel Beer (1-0); Meralco (4-1); TNT (2-1); Rain or Shine (3-2); Phoenix (2-2); Mahindra (1-4); Ginebra (1-1); GlobalPort (0-3); NLEX (0-4); Blackwater (0-4)

IKALAWANG sunod na panalo ang tatangkain ng San Miguel Beermen sa pagsagupa nito sa Phoenix Petroleum Fuel Masters sa kanilang 2017 PBA Commissioner’s Cup elimination round game ngayon sa Mall of Asia Arena, Pasay City.

Unang magsasagupa ang patuloy na naghahangad sa una nitong panalo na NLEX Road Warriors kontra TNT KaTropa alas-4:15 ng hapon bago sundan ng sagupaan ng Beermen at Fuel Masters alas-7 ng gabi.
Kapwa masasaksihan ang eksplosibo at kapana-panabik na import matchup sa salpukan ng San Miguel Beer (1-0) at Phoenix Petroleum (2-2).

Sasandigan ng Beermen si Charles Rhodes sa paghahangad sa ikalawang diretsong panalo para okupahan ang ikatlong silya sa likuran ng nangungunang  Star Hotshots (4-0) at Alaska Aces (4-0) kontra sa Fuel Masters na aasa kay Jameel McKay.

Kumulekta si Rhodes ng kabuuang 22 puntos, 12 rebounds, 2 blocks, 1 assist at 1 steal sa 99-92 panalo ng Beermen na ipinalasap ang unang kabiguan sa dating walang talo na Meralco.

“Unfortunately, I had kind of like a bad game. I don’t normally miss free throws,” sabi ni Rhodes na sasandigan ng three-peat Philippine Cup champion San Miguel Beer. “And I just got in foul trouble. That was really frustrating for me, so I’ve just got to get adjusted to the style of play with the referees.”

Umahon naman ang Fuel Masters sa serye ng turnovers sa huling yugto at sinangkalan ang krusyal na mga errors ng Gin Kings noong Sabado upang itakas ang 94-91 upset tampok ang 15 puntos, 28 rebounds, 2 assists at 2 blocks ni McKay.

“SMB got so many weapons we have to give them different looks,” paliwanag ni Fuel Masters coach Ariel Vanguardia patungkol kina June Mar Fajardo, Chris Ross, Arwind Santos, Marcio Lassiter at Alex Cabagnot.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending