Ibinuking ni Vice: Anne nagpasukat na ng wedding gown sa Amerika

VICE GANDA AT ANNE CURTIS

BALIK-PINAS na ang Unkabogable Star na si Vice Ganda after his successful concert sa US. Kaya naman balik na rin siya sa It’s Showtime kung saan umaatikabong harutan ang naganap nang salubungin siya ng mga kasama niyang host.

Nataranta naman bigla si Anne Curtis nang binuking-buking siya ni Vice tungkol sa pagpapasukat niya sa Amerika. May nakatsikahan daw ang gay comedian sa US at nabanggit na nakita niya doon si Anne two weeks ago.

Diumano, nagsukat na raw sa isang kilalang couturier si Anne doon. Agad namang tinangka ng TV host-actress na pigilan si Vice magbigay pa ng ibang detalye tungkol sa nasagap niyang tsika sa pagpapasukat ni soon-to-be Mrs. Erwan Heussaff.

What else can we think of kung ano ang dahilan nang pagpapasukat ni Anne sa US? Obviously, para ‘yun sa susuutin niyang wedding gown sa pag-iisang dibdib nila ni Erwan.

In a separate interview, inamin naman ni Anne na nagsisimula na silang magplano para sa wedding nila. Malamang isa na sa mga nauna niyang ginawa ang magpagawa ng kanyang wedding gown.

E, kapag magpapagawa ng gown sa mga sikat na designer sa US it will take a year or more pa para makapagpa-schedule gaya ni Vera Wang and our very own Monique Lhuillier. Kaya tama lang na unahin na ni Anne ang pagpapagawa na ng kanyang wedding gown.

Going back to Vice, tamang-tama ang balik niya ng Pinas dahil may time pa siya to prepare para sa special appearance na gagawin niya sa concert ni Harana Prince Michael Pangilinan titled “56K With KARA and KIEL” sa Music Museum ngayong April 8, Sabado.

Kasama rin sa concert sina Duncan Ramos, Hashtag Nikko, Kiel Alo, Anthony Rosaldo, Ezekiel Hontiveros and si Vice Ganda nga in this two-hour concert under the musical direction of Ivan Lee Espinosa. Back-up vocals are Marnie Jereza and Sammy Gaddi.

“I am very excited to work with Ms. Kara Mitzki. Naging guest ko na siya last year sa isang Music Museum show ko at ang galing niyang mag-perform. Sing and dance kasi siya. Marami kaming bagong gagawin sa concert na ito kaya kita-kits tayo,” ani hitmaker Michael Pangilinan whose latest album under Star Music are selling like hotcakes. His single “Hanggang Kailan” is making a killing at the music charts.

Si Jobert Sucaldito ang manager ni Michael gayundin nina Hashtag Nikko, Kiel Alo at Ezekiel.
“I love giving breaks to aspiring artists, basta ba kaya kong makatulong hindi ko ipagdadamot lalo pa sa mga batang malapit sa puso ko. Kahit hindi ko talent si Kara, parang anak-anakan ko na iyan.
“Mabait at masipag and determinado kaya natutuwa ako sa kaniya. Since maghu-Holy Week na, iiwanan muna namin kayo ng nakakalokang concert then next wekk, magninilay na tayo, di ba,” sabay tawa ni Kuya Jobert.

“56K With KARA And KHEL” is presented by Tapa King, Aficionado, Estiara, Livergold, Quadro Frames, Hannah’s Beach Resort, Xentro Malls and by Isabela Governor Bojie Dy. Major sponsors include Mr. & Mrs. Henry and Lily Chua, Mr. & Mrs. Manny and Norski Garcia, Mr. & Mrs. Nixon and Adela Teng, Guiguinto (Bulacan) Mayor & Mrs. Boy and Precy Cruz, Boy Abunda, Laarni Enriquez and Annabelle Rama.