Quantcast

James Yap napiling PBA Player of the Week

By

NAGSILBING magandang pagkakataon para kay James Yap ang conference break para maayos ang kanyang kondisyon at makabawi buhat sa masagwang paglalaro para sa Rain or Shine Elasto Painters sa 2016-17 PBA Philippine Cup.

Kaya hindi katakataka na magpakita ng matinding paglalaro ang 6-foot-2 shooting guard na si Yap sa pagsisimula ng 2017 PBA Commissioner’s Cup kung saan pinamunuan nito ang nagtatanggol na kampeong Rain or Shine sa magkasunod na panalo kontra NLEX Road Warriors at Mahindra Floodbuster.

Binuksan ni Yap ang mid-season conference na may average na 19.0 puntos at 3.0 rebounds para masungkit ang Accel-PBA Press Corps Player of the Week sa period na Marso 17 hanggang 19 kung saan tinalo niya ang Meralco Bolts backcourtmen na sina Baser Amer at Chris Newsome para sa nasabing parangal.

Ang 35-anyos na si Yap ay naghulog ng 26 puntos, ang pinakamataas na iniskor niya sa mahigit tatlong taon, sa unang panalo ng Rain or Shine ngayong kumperensiya sa itinala nitong 113-105 pagwawagi sa NLEX noong Biyernes.

Muling ipinakita ni Yap ang mainit na shooting sa paghulog ng limang 3-pointers, kabilang ang isang step-back triple na gumulat kay Bradwyn Guinto at sumelyo sa pagkatalo ng NLEX.

Sinundan ito noong Linggo ni Yap ng 12 puntos, na nilakipan niya ng tatlong triple, para tulungan ang Rain or Shine na malusutan ang Mahindra sa overtime, 99-95.

“I felt last conference, his (Yap) knee wasn’t that good pa, pero nung offseason medyo maganda takbo niya sa practice,” sabi ni Rain or Shine coach Caloy Garcia patungkol kay Yap. “He comes early, shoots the ball, nagda-dunk pa sa practice to show he’s healthy.”

Ang Rain or Shine ay magpapahinga ng isang linggo bago bumalik aksyon sa Linggo kontra Blackwater Elite sa Ynares Center sa Antipolo City.

Complete stories on our Digital Edition newsstand for tablets, netbooks and mobile phones; 14-issue free trial. About to step out? Get breaking alerts on your mobile.phone. Text ON INQ BREAKING to 4467, for Globe, Smart and Sun subscribers in the Philippines.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

To subscribe to the Philippine Daily Inquirer newspaper in the Philippines, call +63 2 896-6000 for Metro Manila and Metro Cebu or email your subscription request here.

Factual errors? Contact the Philippine Daily Inquirer's day desk. Believe this article violates journalistic ethics? Contact the Inquirer's Reader's Advocate. Or write The Readers' Advocate: c/o Philippine Daily Inquirer Chino Roces Avenue corner Yague and Mascardo Streets, Makati City, Metro Manila, Philippines Or fax nos. +63 2 8974793 to 94





TODAY'S ISSUE OF BANDERA

Advertisement