Quantcast

Meralco Bolts dinaig ang Mahindra Floodbuster

By

,

Mga Laro Ngayon
(Cuneta Astrodome)
3 p.m. Blackwater vs Phoenix
5:15 p.m. Globalport vs Alaska

SINIMULAN ng Meralco Bolts ang kanilang kampanya sa 2017 PBA Commissioner’s Cup sa pagwawagi matapos talunin ang Mahindra Floodbuster, 94-86, Biyernes sa Smart Araneta Coliseum sa Cubao, Quezon City.

Pinangunahan ni Baser Amer ang Bolts sa ginawang 19 puntos kabilang ang 3-of-7 3-point shooting na sinamahan niya ng tig-tatlong rebounds at assists habang si Chris Newsome ay nagdagdag ng 17 puntos, pitong rebounds at pitong assists.

“We needed it. We worked very hard in the offseason to try to improve our game,” sabi ni Meralco coach Norman Black.

Si Alex Stepheson ay nagsilbing matinding puwersa sa low post kung saan nagtapos ito na may 11 puntos, 21 rebounds at tatlong blocks sa kanyang unang paglalaro sa PBA.

“We tried to recruit an import who can fill our needs in the middle, but we still need to give Alex time to get in shape. He needs to work on his conditioning, but in terms of him controlling the defensive boards, he really helps us in that area,” sabi ni Black patungkol sa kanyang bagong import na si Stepheson.

Nagawang makontrol ng Bolts ang kabuuan ng laro kung saan hinawakan nito ang 78-67 kalamangan sa kalagitnaan ng ikaapat na yugto bago nagsagawa ng atake si James White para makalapit ang Floodbuster sa apat na puntos, 86-82, may 1:52 ang nalalabi sa laro.

Subalit sinagot ito nina Newsome at Cliff Hodge na nagtulungan para palobohin ang bentahe ng Meralco sa siyam na puntos, 91-82, sa huling minuto para masiguro ang panalo.

Pinamunuan ni White ang Mahindra sa itinalang 33 puntos, 16 rebounds at apat na blocks habang si Alex Mallari ay kumana ng 21 puntos, pitong assists at limang rebounds.

The Scores:
MERALCO 94 – Amer 19, Newsome 17, Stepheson 11, Caram 10, Hodge 9, Chua 8, Dillinger 8, Uyloan 6, Hugnatan 4, Nabong 2, Daquioag 0, Faundo 0
MAHINDRA 86 – White 33, Mallari 21, Celda 9, Galanza 9, Arana 5, Salva 3, Ballesteros 2, Nimes 2, Deutchman 2, Paniamogan 0, Revilla 0, Caperal 0, David 0, Yee 0
Quarters: 22-18, 44-33, 66-58, 94-86

Complete stories on our Digital Edition newsstand for tablets, netbooks and mobile phones; 14-issue free trial. About to step out? Get breaking alerts on your mobile.phone. Text ON INQ BREAKING to 4467, for Globe, Smart and Sun subscribers in the Philippines.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

To subscribe to the Philippine Daily Inquirer newspaper in the Philippines, call +63 2 896-6000 for Metro Manila and Metro Cebu or email your subscription request here.

Factual errors? Contact the Philippine Daily Inquirer's day desk. Believe this article violates journalistic ethics? Contact the Inquirer's Reader's Advocate. Or write The Readers' Advocate: c/o Philippine Daily Inquirer Chino Roces Avenue corner Yague and Mascardo Streets, Makati City, Metro Manila, Philippines Or fax nos. +63 2 8974793 to 94





TODAY'S ISSUE OF BANDERA

Advertisement