Alden: Salamat sa Diyos, I am healed!

NAGPAPALAKAS na si Alden Richards matapos ma-confine sa ospital ayon sa report ng GMA News. Nakapag-tweet na rin ang Pambansang Bae kahapon. “By GOD’s grace I am healed. Thank you Lord and thank you for the prayers po,” ang mensahe ni Alden sa kanyang supporters and followers. Si Maine Mendoza naman, ipinost sa kanyang Instagram account ang picture ng isang red rose na binigay sa kanya ng Yaya Pepe niya. Caption nito, hindi na raw kasi siya umuuwi kaya picture na lang ng rose ang ipinadala sa IG niya. Sinundan ni Meng ng isang picture ng hitsura niyang maitim ang make up sa mukha at gulu-gulo ang buhok. Hitsura niya raw ‘yon ngayon dahil hindi na nga raw siya nakakauwi ng bahay. Siyempre pa, ang taping ng launching series nila ni Alden na Destined To Be Yours ang umukupa sa mas mahabang oras ni Meng. Sa Feb. 27 na ang world premiere nito kaya kailangan niyang mag-double time para mas maraming episodes ang maimbak para hindi sila kapusin sa ipalalabas.