Mga Laro sa Martes
(JCSGO Gym)
3 p.m. Blustar vs AMA
5 p.m. Batangas vs Wangs
Team Standings: Racal (5-0); Cignal (4-1); Café France (4-1); AMA (4-2); Tanduay (3-2); JRU (2-3); Batangas (1-4); Wangs (1-4); Victoria (1-4); Blustar (0-4)
BUMANGON ang Cignal-San Beda Hawkeyes mula sa masagwang panimula para itala ang tambakan pagwawagi kontra Blustar Detergent Dragons, 109-79, at masungkit ang ikaapat na diretsong panalo sa 2017 PBA D-League Aspirants’ Cup kahapon sa Ynares Sports Arena, Pasig City.
Nagtala si Robert Bolick ng 15 puntos para pangunahan ang Cignal-San Beda na umakyat sa 4-1 kartada at nakisalo sa ikalawang puwesto kasama ang Café France Bakers.
Nag-ambag si Byron Villarias ng 15 puntos habang si Davon Potts ay nagdagdag ng 13 puntos para sa Hawkeyes.
Pinamunuan ni Tristan Perez ang wala pang panalo na Blustar (0-4) sa ginawang 29 puntos habang si Jason Melano ay kumamada ng 15 puntos.
Sa unang laro, nakuha ng Victoria Sports-MLQU ang kanilang unang panalo matapos gulatin ang Jose Rizal University, 76-66.
Kumana si Robbie Herndon ng 22 puntos habang si Aris Dionisio ay gumawa ng 20 puntos para sa Victoria Sports.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.