2-0 semifinals lead target ng San Miguel Beermen | Bandera

2-0 semifinals lead target ng San Miguel Beermen

Melvin Sarangay , |February 10,2017
facebook
share this

2-0 semifinals lead target ng San Miguel Beermen

Melvin Sarangay - , February 10, 2017 - 12:07 AM

Laro Ngayon (Mall of Asia Arena)
7 p.m. San Miguel Beer vs TNT KaTropa

MAKUHA ang ikalawang panalo ang hangad ng two-time defending champion San Miguel Beermen sa pagharap sa TNT KaTropa Texters sa Game Two ng kanilang 2017 PBA Philippine Cup best-of-seven semifinals series ngayong alas-7 ng gabi sa Mall of Asia Arena, Pasay City.

Nakauna ang Beermen sa kanilang semis series matapos tambakan ang Tropang Texters sa Game One, 111-98, noong Miyerkules ng gabi sa Smart Araneta Coliseum sa Cubao, Quezon City.

Pinaulanan ng San Miguel Beer ng 3-pointers ang TNT para magwagi sa Game One. Naghulog ang Beermen ng 16 mula sa 26 3-point attempts kung saan bumitaw si Marcio Lassiter ng apat na tres habang sina Alex Cabagnot at Arwind Santos ay nag-ambag ng tig-tatlong tres.

Maliban kina Lassiter, Cabagnot at Santos, sasandalan din muli ng San Miguel Beer sina June Mar Fajardo at Gabby Espinas para makuha ang 2-0 bentahe sa kanilang semis series.

Sasandigan naman ng Tropang Texters sina Jason Castro, Kelly Williams, Mo Tautuaa, Matt Rosser-Ganuelas at Ranidel de Ocampo para maitabla ang kanilang serye sa tig-isang panalo.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending