Hula 2017: KathNiel, JaDine may katapusan at pagbabago
NAGBIGAY muli ng kanyang prediction ang kilalang psychic na si Stargazer para sa mga sikat na Kapamilya youngstars ngayong 2017.
Sa isang radio program, inisa-isa nito ang magiging kapalaran ng magdyowang Kathryn Bernardo at Daniel Padilla, James Reid at Nadine Lustre, pati na rin ng rumored boyfriend ni Liza Soberano na si Enrique Gil.
Ito ang nakikita niya para kay Kathryn, “This year 2017, marami siyang endings. Maraming pagtatapos, mayroong relationships, kasi kapag sinabi mong pagtatapos, may matatapos na relationship, friendship, mayroon ding project na hindi na matutuloy, hanggang doon na lang. Iba din ‘yung new beginnings eh.”
Dugtong pa nito, “These are lessons to be learned, tapos meron siyang sinasabing review and evaluation of her life. Kay Kathryn, this is a time for change for her, so kung merong mag-e-end, baguhin na niya.”
Para kay Daniel, halos magkapareho raw sila ni Kathryn ng magiging kapalaran ngayong Year of the Rooster, “Hindi lang naman sa relasyon, sa parents, siblings, friends. There may be good and bad times for him, and may kasabihan nga na either mending or ending.”
Marami rin daw pagbabago sa buhay at career nina Nadine at James. “Si Nadine, she has to improve herself, she has to go through a lot of improvements, a lot of changing her old ways, kasi kailangan maging andap siya kung napapag-iwanan na ba siya o hindi na siya kinakagat ng masa,” ani Stargazer.
Pagpapatuloy pa niya, “James Reid, siya ang may endings din na sinasabing probably may ibibigay sa kanyang bagong projects. May shift.”
Bongga rin daw ang naghihintay kay Enrique pagdating sa kanyang career, “It will be good for him!”
Nang tanungin naman kung ano ang masasabi niya kay Vice Ganda na hinulaan niya noon na mapapasali sa isang kontrobersya sa 2016, this year daw, tuluy-tuloy ang dating ng blessings sa TV host-comedian.
“It’s a good year for him. Sasabihin ko, Vice, tanggapin mo lahat ng blessings, kunin mo lahat. Kahit mahirap, huwag kang umangal, get everything,” sabi pa ng manghuhula.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.