Resort wedding ni Osang sa dyowang tomboy tuloy na, ihahatid sa altar ni Butch Francisco

BLESSIE AT ROSANNA ROCES

ANG pagkawala sa ere ng programa sa TV na pinagsamahan namin for many years kailanman ay naging dahilan para maputol na rin ang komunikasyon namin ni Butch Francisco, at least even over the phone.

A late sleeper tulad namin, Tito Butch and I are nocturnal phone pals. Sa rami ng pinag-uusapan namin tungkol sa kung anu-anong isyu, kadalasan ay hindi namin namamalayang madaling araw na pala.

Over the week ay magkaututang-dila uli kami ni Tito Butch, it was this writer who asked—with his indulgence—kung puwede namin siyang mainterbyu.

A Sunday TV news program carried a story tungkol sa kanyang paghahatid sa altar ng ikakasal na si Rosanna Roces sa kanyang lesbian partner, si Blessie. It was also reported na isa si Superstar Nora Aunor ang kukuning ninang ni Osang.

Nabanggit na pala ni Osang kay Tito Butch ang tungkol du’n a few months ago, ‘yun ‘yong itinampok ng programang Tunay Na Buhay ng GMA si Osang kung saan ang pangunahing resource person ay si Tito Butch.

Little did Tito Butch think na matutuloy ang kasal na nakaiskedyul na sa Dec. 10, nataong bisperas ng kanyang kaarawan.

Sa isang resort bago dumating ng Antipolo ang seremonya. Ang naunang planong kasal fizzled out for some reason, hindi na rin daw matutuloy ang binalak na union sa ibang bansa.

Why Tito Butch readily agreed to walk Osang down the aisle sa araw ng kasal nito ay bilang pagtanaw na rin daw ng utang na loob sa dating Startalk co-host.

“A lot of times, hindi ako napahiya kay Osang sa mga inilambing ko sa kanya. When Startalk marked its 10th anniversary, hindi ba’t we were pursuing top 10 stories? And one of those was the Osang story.

“That time, wala na siya sa show because of her falling-out with Lolit Solis (Osang’s former manager).

Kumbaga, ako ang pinakiusapan ng staff to interview Osang dahil ako na lang ang natitirang ka-close niya when she felt that people turned their backs on her.”

Tinanaw daw ni Tito Butch na malaking utang na loob ang pagpayag ni Osang when the latter could have flatly declined the taped guesting. “And na-touch ako, she didn’t even ask kung magkano’ng talent fee niya,” kuwento nito.

And then there were two separate interviews sa mga apo ni Osang kay Grace (si Gab) at kay Onyok ng mga baptismal coverages ng mga ito.

“For Osang to get me to walk her down, para sa akin, it’s such a big honor. Let’s face it, Rosanna Roces naman ‘yan. At saka gusto ko ring iparamdam sa kanya na kung may mga tao mang nawala sa buhay niya, nariyan pa rin ako,” dagdag ni Tito Butch.

However, the former TV host is wary of possibilities, “Sa ngayon, ‘di ba, hindi pa nagkakaayos si Osang at si Onyok? Malay mo, ma-bump off ako kapag nagkabati sila? That means, si Onyok ang maghahatid sa nanay niya sa altar. Nu’ng una, dapat daw, eh, si Gab. Tumanggi ‘yung bata, kasi apo siya.”

Ngayon pa lang, our best wishes sa ikakasal na si Osang (in fairness, umalis at umalis siya sa Startalk, never was there ever an issue between her and this writer)!
At sana’y makabalik na siya sa limelight.