Mark Anthony napaiyak nang dalawin ni Grae sa kulungan | Bandera

Mark Anthony napaiyak nang dalawin ni Grae sa kulungan

Ervin Santiago |October 25,2016
facebook
share this

Mark Anthony napaiyak nang dalawin ni Grae sa kulungan

Ervin Santiago - October 25, 2016 - 12:35 AM

mark anthony at grae fernandez

SA KAUNA-UNAHANG pagkakataon, nakita ng Kapamilya teen star na si Grae Fernandez ang amang si Mark Anthony na umiyak sa kanyang harapan.

Dinalaw na ng binatilyo ang ama sa kulungan kamakailan at dito nga sila nagkaroon ng chance na magkausap kahit ilang oras lang. Ayon kay Grae, okay naman daw ang kalagayan ni Mark sa loob pero awang-awa pa rin siya rito.

Sa panayam ng ABS-CBN kay Grae sa nakaraang 10th Star Magic Ball na solong dumating sa event, naikuwento nga niya ang kundisyon ng ama sa kulungan.

“Opo nadalaw ko na, okay naman po siya, pero naiiyak po siya sa akin for the first time, at first time ko ding nakita na umiyak siya,” pahayag ng bagets.

Tungkol naman sa madamdamin niyang tweet para kay Mark, sinabi ni Grae na ito ang isa sa mga paraan niya para maipagtanggol ang kanyang tatay sa mga bashers, “Siyempre po para po hindi naman na po mahusgahan ng maraming tao, kasi hindi naman nila nakikita yung kabaitan ng tatay ko at hindi naman nila nakita lahat ng sufferings sa life niya. Ang nakita lang ng mga tao yung nasa balita.”

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending