CA ibinasura ang piyansa para kay Colanggo na naunang tumestigo vs de Lima

IBINASURA ng Court of Appeals (CA) ang petisyon na inihain ng convict na si Roy Gilbert Colangco para siya payagang makapagpiyansa. Matatandaang isa si Colanggo,  na mas kilala bilang Herbert “Ampang” Colanggo, sa mga testigo na iniharap ni Justice Secretary Vitaliano Aguirre para idiniin si Justice Secretary Leila de Lima sa umano’y payola para payagan ang operasyon ng droga sa loob ng New Bilibid Prison (NBP) ng siya pa ang kalihim ng DOJ. Inaresto si Colanggo noong 2009 at nasintensiyahan ng habambuhay na pagkakabilanggo ng Parañaque Regional Trial Court noong Mayo 10, 2013.

Pinangungunahan ngayon ni Colanggo ang Carcel Side ng Maximum Security Compound ng NBP na may 7,000 miyembro mula sa iba’t ibang gang sa Visayas at Mindanao.

Isinasangkot si Colanggo sa iligal na droga sa loob ng NBP at pinakayumamang preso habang nakakulong.

Idinahilan ni Colanggo ang kanyang kalusugan para siya payagang makapagpiyansa at makapagpagamot sa labas ng NBP.

“We find no merit in accused-appelant’s [Colanggo] petition for bail … Considering that bail pending appeal is only discretionary when the applicant is convicted of an offense not punishable by death, reclusion perpetua or life imprisonment, accused-appellant is not eligible to be granted bail as a matter of course,” sabi ng CA.

Nagawa pa ni Colanggo na makapagrekord ng music video habang nasa NBP.