Alden marami nang naipundar; walang bisyo at luho sa katawan

SIGURADONG marami nang naipundar ang Pambansang Bae na si Alden Richards matapos ngang magkasunud-sunod ang kanyang mga proyekto, lalo na sa mga TV commercial.

Siya na ang itinuturing ngang Commercial King dahil sa dami ng kanyang endorsements. Simula kasi nang sumikat ang tambalan nila ni Maine Mendoza sa kalyeserye ng Eat Bulaga ay dumami na ang mga produktong ineendorso niya.

Kaya sa nakaraang presscon na ibinigay ng GMA kay Alden para sa pagpirma niya ng bagong exclusive contract, natanong ang binata kung ano ang feeling na napakarami nang nabago sa buhay niya?

“Aside po from doing soaps, from doing albums, mga mall shows, ang ultimate goal ko talaga is to be a public figure who inspire. Kumbaga marami po yung…siyempre mga AlDub, sila po talaga ‘yung dahilan kung bakit nandito kami. Maraming nabago sa buhay namin dahil sa kanila.

“Marami pa rin pong lumalapit sa amin, there was one instance na hindi ko makakalimutan. Isa pong acoustic analyst, she lives in California. And then noong buhay pa po yung husband niya they have been watching Eat Bulaga for quite sometime and then the guy passed away. Dalawa lang sila eh, so parang everything fell apart.

“Since matanda na siya wala siyang kasama, yung mga anak niya working na, may kanya-kanya ng pamilya. But then when AlDub started, parang it was a new beginning for her. Marami pong gan’ung kwento. Kami naman po sa Eat Bulaga gusto lang naman po naming makapagpasaya, eh. Yun lang naman po ang trip ko, ang makapagpasaya, makatulong sa mga nangangailangan.

“Pero siguro po yung nakakapagpabago kami ng buhay is a bonus. Yun po yung siguro masasabi kong motivation ko. Yung time ko po na hindi ko nabibigay sa family and sa personal life ko pero with that solve na solve na po ako pag nakakarinig ako ng ganu’ng kwento,” sey pa ng binata.

May time pa rin naman daw siya for himself kahit na super busy sa pagtatrabaho, “Nakaka-relax naman po. Ako po solve na solve na ako pagnakakapagpa-massage ako once a week, saka nilalaro ko yung mga aso ko pag uwi, masarap na ang feeling ko swa ganu’n.”

Wala rin daw masyadong luho si Alden, “Yung mga Iron Man collection ko lang po. And things like that naman, di naman siya masyadong luho, kumbaga when I look at them I see the proof of my hard work.

And of course yung mga parang 30% of my collection is given by fans so in a way when I look at them I remember who gave them to me.”

q q q

Samantala, puring-puri ni GMA Chairman and Chief Executive Officer Atty. Felipe Gozon ang pagiging humble ni Alden sa kabila ng kanyang kasikatan. Kaya panibagong exclusive contract na naman ang in-offer nila sa Pambansang Bae.

Bukod kay Gozon, present din sa contract signing ni Alden sina GMA President and Chief Operating Officer Gilberto Duavit, Jr., GMA Executive Vice President and Chief Financial Officer Felipe Yalong, GMA Films President Annette Gozon, GMA Entertainment TV’s Senior Vice President Lilybeth Rasonable, GMA Consultant for Business Development Department II Marivin Arayata, GMA Vice President for Drama Productions Redgie Acuña-Magno, GMA Vice President for Corporate Affairs and Communications Angela Javier Cruz, GMA Senior Assistant Vice President for Alternative Productions Gigi Santiago-Lara, GMA Artist Center Assistant Vice President and Head for Talent Imaging and Marketing Unit Simoun Ferrer and Senior Program Manager for ETV Charles Koo.

During the contract signing, inihayag ni Atty. Gozon na super proud siya sa mga narating ng Kapuso Prince, “Alam mo si Alden, not only he is one of the biggest stars of GMA but also he is one of the biggest stars in the country.

“We are also proud of the humility he has shown throughout this journey, he is a living proof that one can reach the stars while keeping his feet firmly on the ground. Kaya tayo ay lubos na nagagalak dahil napili niyang manatili sa GMA, kung saan siya nagsimula and where he belongs,” ani Atty. Gozon.

Ayon naman kay Ms. Rasonable, “We’ve watched his career from the very beginning until his meteoric rise to stardom, he has always been the Alden that we knew him to be from the very beginning: humble, very dedicated sa trabaho, having that high respect for all the people that he works with, his cheerfulness and his love for his fans.

“We are very excited to work with Alden again on his new projects, create many more characters for him and take many more adventures with him as an artist,” she added.