Mga Laro Ngayon
(SM MOA Arena)
2 p.m. Ateneo vs UP
4 p.m. UE vs La Salle
Team Standings: DLSU (5-0); Ateneo (3-2); Adamson (3-2); FEU (3-2); NU (3-2); UST (2-3); UP (1-4); UE (0-5)
IKAANIM na sunod na panalo ang tatargetin ng nangungunang De La Salle University sa pagsagupa nito sa wala pang panalong University of the East sa pagpapatuloy ngayon ng ika-79 season ng UAAP men’s basketball tournament sa SM Mall of Asia Arena, Pasay City.
Una munang magsasagupa ang Ateneo Blue Eagles at University of the Philippines Fighting Maroons alas-2 ng hapon bago ang sagupaan ng Green Archers at Red Warriors dakong alas-4 ng hapon.
Huling tinalo ng Blue Eagles ang Red Warriors, 84-69, upang iangat sa 3-2 panalo-talo ang hawak nitong kartada. Katabla ng Ateneo sa pangalawang puwesto ang Adamson Falcons, FEU Tamaraws at NU Bulldogs.
Muntik namang makapagtala ng upset victory ang Fighting Maroons laban sa nagdedepensang Tamaraws sa huli nitong laro ngunit kinapos sa mga huling sandali ng laro, 49-51.
Nanatili namang malinis ang baraha ng La Salle matapos nitong pabagsakin ang Adamson, 91-75, sa huli nitong laban.
Pilit naman iiwas ang Red Warriors na muling malasap 0-6 start na tulad noong 2011 season. —Angelito Oredo
Photo: Inquirer
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.