Meralco Bolts, TNT KaTropa Texters pasok sa semis | Bandera

Meralco Bolts, TNT KaTropa Texters pasok sa semis

Melvin Sarangay , |September 25,2016
facebook
share this

Meralco Bolts, TNT KaTropa Texters pasok sa semis

Melvin Sarangay - , September 25, 2016 - 12:00 PM

INILATAG ng Meralco Bolts at TNT KaTropa Texters ang kanilang duwelo sa best-of-five semifinals matapos na tambakan ang kanilang mga nakatunggali sa 2016 PBA Governors’ Cup quarterfinals game kahapon sa Ynares Center, Antipolo City.

Naunang umusad sa semis ang Meralco na tinambakan ang Mahindra, 105-82, bago sinundan ng TNT KaTropa na tinibag ang Phoenix Petroleum Fuel Masters, 136-124.

Kinailangang bumangon ng Bolts mula sa mabagal na panimula at burahin ang double-digit na paghahabol gamit ang 28-8 ratsada sa ikalawang yugto.

Hindi naman nagpaawat ang Meralco matapos palobohin ang kanilang kalamangan sa 23 puntos, 84-61, sa ikatlong yugto kung saan dinaig nila sa puntusan ang Mahindra, 34-16, sa pamumuno nina Allen Durham at Chris Newsome.

Gumawa si Durham ng 24 puntos, 16 rebounds at anim na assists habang si Newsome ay nagtala ng 19 puntos para pangunahan ang Meralco na makakasagupa sa best-of-five semis series ang top seed TNT KaTropa.

Kumamada si James White ng 20 puntos at 10 rebounds para pamunuan ang Mahindra.

Kumana naman si Jayson Castro ng 42 puntos para tulungan ang Texters na makapasok sa semis.
Si Eugene Phelps ay nagtala ng 39 puntos para sa Fuel Masters.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending