Heart 1 lang ang gustong anak: Takot talaga ako!
AYAW pa ring pakawalan ng mga bossing ng GMA 7 ang Philippine TV’s Sweetheart na si Heart Evangelista-Escudero kaya agad na nila itong pinag-renew ng exclusive contract.
Marami pang plano ang Kapuso Network para kay Heart sa mga susunod na buwan kaya iyan ang dapat abangan ng kanyang fans.
Present sa contract signing kamakailan sina GMA Chairman and Chief Executive Officer Atty. Felipe Gozon, GMA President and Chief Operating Officer Gilberto Duavit Jr., GMA Executive Vice President and Chief Financial Officer Felipe Yalong, GMA Entertainment TV’s Senior Vice President Lilybeth Rasonable, GMA Senior Assistant Vice President for Alternative Productions Gigi Santiago-Lara, Senior Program Manager for ETV Charles Koo at ang manager ni Heart na si Arnold Mendoza.
Excited na ang misis ni Sen. Chiz Escudero sa bagong projects na gagawin niya, “To GMA, thank you so much. You gave me a second chance in everything. When I started with them, sobrang hirap ng mga pinagdaanan ko and binigyan nila ako ng pagkakataon. I really became the person I never thought I would be with their help.”
“GMA really was a huge help for me. I don’t know what would have happened to me if I didn’t move to GMA. It was a good decision,” dagdag pa ng TV host-actress.
Very successful ang huling serye ni Heart sa GMA, ang naughty rom-com serye na Juan Happy Love Story with Dennis Trillo. Doing the series, she said, reignited her passion and enthusiasm in her craft.
“After Juan Happy Love Story, sobrang na in love ako ulit sa ginagawa ko, na-excite ako. Sobrang na-enjoy ko yung soap kasi very refreshing siya,” chika ni Heart.
Hindi man idinetalye ni Ms. Lilybeth ang mga gagawing proyekto ni Heart sa mga susunod na buwan, siniguro niyang may bago na namang pasabog ang aktres matapos masaksihan ng buong mundo ang itinatago niyang timing sa pagko-comedy.
“We’re very happy with the turnout of Juan Happy Love Story kasi we’ve seen Heart as the dramatic actress. Dito sa soap na ito, ipinakita natin na kaya pala niyang maging light at magpatawa. And yung chemistry nila ni Dennis Trillo is unmistakeable.
“Ang daming natuwa at tayo rin ay natuwa. It’s just exciting for us that we saw a different side of her so it opens a lot of possibilities for the writers. Hopefully she does something different, not necessarily drama.
“So we’re expecting na mas marami pang project na ganun para mas maipakita pa natin ang range ni Heart,” ayon pa kay Ms. Lilybeth.
Samantala, walang magiging problema sa kontrata ni Heart sa GMA kung sakaling bigla siyang mabuntis. Ayon sa Kapuso actress, napakaswerte niya dahil walang pressure ang patuloy na pagtatrabaho niya sa Siyete.
Diretsong sinabi ng asawa ni Chiz na hangga’t maaari ay isa lang ang gusto niyang maging anak, tutal naman daw ay may kambal na ang senador sa first wife nito.
Tama na raw ang tatlong bata sa bahay nila, “Tsaka sakto lang ‘yung kwartong ipinagawa ko sa house. Mahirap magpa-renovate uli. Ha-hahaha! So, for me, enough na yung isa. And honestly, I’m really, really scared (manganak)!”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.