Tim Yap: Kahit kailan hindi ako gumamit at nagbenta ng drugs!

PINABULAANAN ni Tim Yap, events specialist/occasional TV host/ businessman, na lumayas na siya ng bansa at kasalukuyang nagtatago diumano matapos mabalitang nasa listahan siya ng PNP bilang supplier daw ng party drugs.

Sa pamamagitan ni GMA’s VP for Corporate Affairs and Communications Angel Javier-Cruz, ipinadala ni Tim ang kanyang statement upang pabulaanan ang mga kumakalat na balitang nagtatago umano siya.

“Hindi po ako nagtatago. Andito lang po ako sa Manila. I went to Mother Lily’s birthday in advance to greet her so nu’ng Friday I had another dinner appointment all the way in City of Dreams so malayo sa Valencia St., QC and traffic nu’ng Friday, so I didn’t get to go to her anymore.

“Eto I wanna clear it once and for all. Hindi po ako gumagamit ng bawal na gamot at ni isang beses never po akong nagbenta ng kahit na anong ipinagbabawal na droga.

“Hindi ko alam kung bakit ako yung natuturo dito dahil walang katotohanan ang balitang yan. In fact, kung napanood po ninyo sa news, makikita ninyo na kaakibat namin ang PNP at kaming mga bar owners ay nakikipag-cooperate sa gobyerno laban sa droga.

“So please tigilan na ito dahil hindi po ito biro at lalong hindi ito totoo.”