Hajj passport ititigil na

Plano ng Department of Foreign Affairs na tuluyan ng ihinto ang pagbibigay ng mga hajj passport matapos ang natuklasang iregularidad dito.      Ayon kay Foreign Affairs Sec. Perfecto Yasay kasalukuyang suspendido ang pagbibigay ng hajj passport habang iniimbestigahan pa ang 177 Indonesia nationals na gumamit nito para makapunta sa Hajj Pilgrimage sa Mecca, Saudi Arabia.      “I am predisposed at this point to make the suspension on a permanent basis by making representations with Congress as they deliberate on the law that will extend the term of the passports from five years to 10 years to have this hajj passport withdraw completely,” ani Yasay sa pagdinig ng House committee on appropriations kahapon.      Ubos na ang slot ng mga Indonesian sa Hajj Pilgrimage samantalang ang Pilipinas ay mayroon pa kaya pinaniniwalaang kumuha ng Philippine Hajj Passport ang mga ito upang magamit ang bakanteng slot.      “I have issued an order for the immediate suspension of the issuance of these hajj passports pending the outcome of the investigation,” dagdag pa ng kalihim.      Sa paunang imbestigasyon, lumalabas na ang mga kuwestyunableng pasaporte ay ibinigay ng DFA-Aseana Office kaya authentic at hindi umano pineke ang mga ito.      “There was no person to person contact with the actual applicant for the purpose of our contact officials at the DFA to interview them to really determine their identity and proof that they are Filipinos.”       Dumating sa bansa ang mga nahuling Indonesian bilang mga turista ilang araw bago ang kanilang flight patungong Mecca.      May ulat na gumastos ang mga Indonesian ng $6,000 hanggang $10,000 para sa bawat pasaporte.