Jasmine diring-diri sa lalaking umihi sa kalye, nagsumbong sa MMDA
NABWISIT si Jasmine Curtis sa isang lalaki na bigla na lang umihi sa gilid ng bus kahit kitang-kita siya ng mga motorista. Nag-post pa si Jasmine ng picture ng nakatalikod na lalaki sa kanyang Twitter account.
Nilagyan ito ni Jasmine ng caption na: “Absolutely gross. Paging @mmda [Metro Manila Development Authority].”
May ilang netizens naman ang nag-react at sinabing baka ihing-ihi na talaga ang lalaki dahil sa tindi ng traffic. Pero sey ng sisteraka ni Anne Curtis hindi raw sapat ang ganoong alibi para sa isang “indecent exposure” at hindi rin daw traffic ng mga oras na yun.
“We’ve all been there. Konting professionalism o kahit common courtesy lang,” tweet pa ng aktres.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.