INQUIRER PHOTO
Mga Laro Bukas
(The Arena, San Juan)
2 p.m. Perpetual Help
vs St. Benilde
4 p.m. EAC vs Arellano
SUMANDIG ang San Sebastian Stags sa mainit na laro ni Allyn Bulanadi upang gulantangin ang nangungunang San Beda Red Lions, 72-71, kahapon upang patatagin ang tsansa nito sa Final Four ng 92nd NCAA men’s basketball tournament sa The Arena sa San Juan City.
Ang 19-anyos na Dabawenyo ay naghulog ng siyam sa kanyang team-high 16 puntos kabilang ang pampanalong jump shot sa mga huling sandali ng laro upang itulak ang Stags sa ikalawang sunod na panalo at iangat ang kartada nito sa 3-9.
Bago ang kanyang game-winning shot ay nagtamo ng malaking error si Bulanadi nang maagaw ni Robert Bolick ang kanyang inbound pass, sanhi para mapunta sa free throw line si Dan Sara ng San Beda.
Nagmintis naman si Sara sa dalawa nitong tira mula sa foul line at sa sumunod na play ay naka-iskor si Bulanadi, may 3.8 segundo na lamang ang natitira sa laro.
Hindi na naka-iskor pa ang San Beda.
“Big victory,” ani Stags coach Egay Macaraya. “The boys didn’t give up, they showed character and really wanted to win.”
Sa ikalawang seniors game kahapon, tinisod ng Mapua ang Lyceum of the Philippines, 90-75, para iangat ang win-loss card nito sa 7-4. —Angelito Oredo
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.