Nakakalokang video nina Vice, Billy, Vhong, Jhong nag-viral
Nag-viral ang video na ipinost ni Vice Ganda sa kanyang Instagram account kung saan mapapanood ang paglalaro niya ng nakakatuwang “Pak Ganern” game. Ang usung-uso ngayong laro na hinango sa Pinoy clap game na “Nanay, Tatay Gusto Kong Tinapay”.
Kasama ni Vice sa nasabing video ang mga kasamahan niya sa It’s Showtime na sina Vhong Navarro, Billy Crawford at Jhong Hilario. Nilagyan pa ni Vice ng caption ang nasabing IG video na: “Ang laro ng tunay na lalaki!” Si Vice ang unang nagkamali sa nasabing clap game pero bigla siyang tumakbo para hindi maparusahan nina Vhong, Billy at Jhong.
In fairness, makalipas lang ang ilang oras matapos itong i-post ni Vice, mahigit 150,000 netizens na ang nakapanood ng video.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.