Jackpot prize ng Lotto 6/42 lumapit sa P100M mark
Leifbilly Begas - Bandera July 27, 2016 - 02:38 PM
Lumapit sa P100 million mark ang jackpot prize ng Lotto 6/42 na binola Martes ng gabi.
Ayon sa Philippine Charity Sweepstakes Office walang nakakuha sa P86.3 milyong jackpot prize sa huling bola kung saan lumabas ang mga numerong 31-26-23-15-36-33.
Inaasahang aakyat sa P90 milyon ang jackpot prize sa bola sa Huwebes ng gabi.
Nanalo naman ng tig-P25,000 ang 28 mananaya na nakakuha ng limang numero.
Tig-P730 naman ang 1,555 mananaya na nakaapat na numero at balik ang P20 taya ng 27,766 mananaya na nakatatlong numero.
Ang 6/42 ay binobola tuwing Martes, Huwebes at Sabado.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.
What's trending