Luis kinampihan si Maine: Tama naman lahat ng sinasabi niya!
KINAMPIHAN ni Luis Manzano si Maine Mendoza at sinegundahan ang naging pahayag nito na hindi niya kailangang baguhin ang kanyang sarili para lang pasayahin ang lahat ng tao.
Sa mahabang artikulo na ipinost ni Maine sa kanyang blog kamakailan, sinabi ng Dubsmash Queen na hindi kailangang magbago ng ugali o pananaw sa buhay ang isang tao para lang ma-please niya ang lahat.
“I do not need and want to pretend to be someone I am not and do something I am not willing to do just to be loved and ‘accepted’ by the people in this ‘barbie world.’ “How others see you is none of your business, at the end of the day what matters most is how you see yourself.
“I would never change who I am just to conform to the norms of this industry. If there is one thing people should always remember, that’d be this: We are not born to please everybody,” sey ni Maine sa kanyang blog. Isang follower ni Maine ang nag-post ng kabuuan ng artikulong ito sa social media at itinag pa ang TV host-comedian na si Luis Manzano.
Ayon sa ilang netizens, nakaabot kay Luis ang naturang artikulo sa pamamagitan ng Twitter. Kilala ang binata na mapagpatol sa mga bashers kaya siguro itinag din siya sa nasabing post. Diretsong sinabi ni Luis na sinasang-ayunan niya ang pinagsasabi ni Yaya Dub.
Sey ni Luis, “Of course, those are all correct. That’s what I’ve been saying ever since, Maine is absolutely right. That’s what I’ve been answering since I entered showbiz!”
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.