Batang Gilas nilampaso ang Iraq | Bandera

Batang Gilas nilampaso ang Iraq

Angelito Oredo |July 25,2016
facebook
share this

Batang Gilas nilampaso ang Iraq

Angelito Oredo - July 25, 2016 - 01:00 AM

IBINUHOS ng 28th seed Philippine national youth team ang matinding ngitngit sa nalasap nitong unang pagkatalo sa 2016 FIBA Asia Under-18 Men’s Championship matapos biguin ang 62nd seed Iraq, 96-79, kamakalawa ng gabi sa Twelve Thousand People Sport Hall-Azadi Sport Complex sa Tehran, Iran.

Dahil sa panalo ay umangat ang Batang Gilas sa 1-1 karta sa Group A at nakabawi mula sa 74-88 pagkatalo sa 28th seed Taiwan noong Biyernes ng gabi para manatili sa kontensyon sa quarterfinals ng 12-bansa, 10-araw na torneo na tatagal hanggang Hulyo 31.

Nanguna si team captain Jolo Mendoza sa itinalang 25 puntos tampok ang 7-of-14 3-point shooting habang nag-ambag si Joshua Sinclair ng 21 puntos at 12 rebounds. Tumulong din si JV Gallego na may 12 puntos at Fran Yu na may 10 puntos.

Naghulog ng back-to-back basket si Mendoza at isa pa kay Gian Mamuyac na nagtulak sa Pilipinas sa pinakamalaki nitong abante sa 27 puntos sa ikaapat na yugto, 87-60, matapos agad na diktahan ang laban sa 26-17 iskor sa opening quarter bago itinala ang 56-39 abante sa halftime.

Nakikipagbuno pa ang Batang Gilas para sa third preliminary round game nito sa alas-4 ng hapon kahapon (alas-7 ng gabi, PH time) sa 11-time champion at 12th seed China, na galing sa pagwawagi kontra Iraq (93-28) at 52nd seed India (106-66).

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending