SSS pensyon at bawas buwis bibilisan sa Kamara

Matapos i-veto ni dating Pangulong Benigno Aquino, muling inihain ni Bayan Muna Rep. Carlos Zarate ang panukala nito na dagdagan ng P2,000 ang buwanang pensyon ng mga miyembro ng Social Security System.      Umaasa si Zarate na agad aaksyunan ng Kamara de Representantes ang kanilang panukala lalo at suportado ito ni Pangulong Duterte.     “Our optimism is also buoyed by the fact that President Digong Duterte also supported the pension increase; hopefully it will generate the necessary push so that the P2000 SSS pension hike will finally be enacted into law before the year ends,” ani Zarate na kababayan ni Duterte.      Naghain din ng kaparehong panukala si Muntinlupa Rep. Rufino Biazon kaya inaasahan na makakukuha ito kaagad ng sapat na suporta upang maisabatas.      Inihain naman ni Marikina Rep. Miro Quimbo ang panukala na magpapababa sa binabayarang income tax ng mga empleyado.      “In the current system, 6.2 million Filipino workers bear the brunt of paying the individual income tax collection of BIR. This means only 16 percent of our 22.2 million wage and salary workers serve as the milking cow of BIR,” ani Quimbo. “We cannot allow the suffering of our workers to perpetuate under our archaic and unfair tax system.”      Sa ilalim ng panukala ni Quimbo, ang isang Teacher I sa pampublikong paaralan na kumikita ng P241,137 kada taon ay kakaltasan na lamang ng P9,935 buwis mas mababa ng P4,296 sa ikinakaltas dito ngayon.