Cayetano di pa rin sumusuko sa ambisyong maging Senate president; magpapasaklolo kay Duterte | Bandera

Cayetano di pa rin sumusuko sa ambisyong maging Senate president; magpapasaklolo kay Duterte

|June 28,2016
facebook
share this

Cayetano di pa rin sumusuko sa ambisyong maging Senate president; magpapasaklolo kay Duterte

- June 28, 2016 - 05:37 PM
cayetano NAKATAKDANG makipagkita si Sen.  Alan Peter Cayetano kay President-elect Rodrigo Duterte para talakayin ang labanan sa pagitan niya at ni Senator Aquilino “Koko” Pimentel III hinggil sa isyu ng Senate presidency.

Sinabi ni Senator-elect Joel Villanueva na mismong si Pimentel ang nagsabi na nakatakdang mag-usap sina Duterte at Cayetano.

Umaasa naman si Villanueva na magkakasundo sina Pimentel at Cayetano kung sino ang magiging susunod na Senate president.

Idinagdag ni Villanueva na kapwa siya inalok nina Pimentel at Cayetano na magiging chairman ng Senate committee on labor.

Nauna nang sinabi ni Pimentel na suportado siya ng “supermajority” para maging sususnod na Senate President.

Idinagdag ni Pimentel na itatalaga naman si outgoing Senate President Franklin Drilon bilang Senate pro-tempore; Sen. Vicente Sotto III bilang majority leader, Sen. Panfilo Lacson bilang chair ng public order at dangerous drugs committee; at Sen. Leila de Lima bilang head ng justice committee.

Si Cayetano ang siyang running-mate ni Duterte sa nakaraang eleksiyon noong Mayo 9.

Kinontra rin ni Cayetano ang pagtatalaga kina Lacson at De Lima bilang chairman ng ilang committee.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending