Kris Aquino dadalo sa inagurasyon ni Robredo | Bandera

Kris Aquino dadalo sa inagurasyon ni Robredo

|June 28,2016
facebook
share this

Kris Aquino dadalo sa inagurasyon ni Robredo

- June 28, 2016 - 02:52 PM

kris aquino at leni robredo

DADALO ang bunsong kapatid ni Pangulong Aquino na si Kris Aquino sa inagurasyon ni Vice President-elect Leni Robredo bukas bilang kinatawan ng outgoing president.

Sinabi ng kampo ni Robredo na inimbitahan ang magkakapatid na Aquino, bagamat hindi makakadalo dahil prayoridad nila ang departure honors para sa outgoing president sa Malacanang.

“[The] Aquino sisters were invited and Kris Aquino [will] represent the family,” sabi sa isang pahayag ng tagapagsalita ni Robredo na si Georgina Hernandez.

Kinumpirma naman ni Kris na dadalo nga siya sa inagurasyon ni Robredo kung saan magsusuot siya ng simpleng Filipiniana.

Sinuportahan nina Kris at kanyang mga kapatid na sina Ballsy Aquino-Cruz, Pinky Aquino-Abelleda, at Viel Aquino-Dee ang kandidatura ni Robredo.

Si Kris ang isa sa pinakamalaking nagbigay ng kontribusyon para kay Robredo na umabot ng P31.8 milyon.

Sinabi rin ng kampo ni Robredo na inimbitahan din nila ang running mate na si Mar Roxas at kanyang pamilya para dumalo sa seremonya.

Hindi pa nagkukumpirma si Roxas kung pupunta sa inagurasyon ni Robredo.

Your subscription could not be saved. Please try again.
Your subscription has been successful.

Subscribe to our daily newsletter

By providing an email address. I agree to the Terms of Use and acknowledge that I have read the Privacy Policy.

Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.

What's trending