Aiza, Liza lilipad patungong USA para gumawa ng baby

SISIMULAN na ng mag-asawang Liza Diño at Aiza Seguerra ang paggawa ng baby sa pamamagitan ng in vitro fertilization (IVF). Lilipad patungong Amerika ang dalawa sa darating na Oktubre para sa nasabing procedure. Sa isang panayam kay Liza, sinabi nitong manggagaling kay Aiza ang egg cell habang siya ang magbubuntis sa kanilang baby.

“Three months ‘yon in the US. We are gonna be based in San Jose. In those three months, Aiza will have shows doon, so we are trying to fix that para naman may pambayad kami sa napakamahal na procedure,” “I will be the surrogate. It’s Aiza’s eggs. We are going to get an anonymous sperm donor at ako ‘yung magke-carry sa baby. I’ve already had a full-term pregnancy, so capable naman,” paliwanag ni Liza.

Dugtong pa ng dating beauty queen, “Right now, nakikita ko kay Aiza ‘yung excitement kasi talagang pangarap niya ito. Nakikita ko na kinakabahan siya pero kinikilig siya na grabe. Totoo na ito sumasagot na tayo ng ganitong questions. I don’t know if handa na kami but we are getting there.”

Dagdag pa ng asawa ni Aiza, “Kaya ‘yung mga nagsasabi na hihingi kami ng posisyon (sa Rodrigo Duterte government) or what, wala talaga, kasi we have our own plans and I don’t think na makakatulong kami sa gobyerno kung mayroon kaming pangsarili plano sa buhay.

“Kasi right now we are getting proposals na pwede naming ihain sa President, siyempre ang sarap nun kung halimbawang makikita namin talaga siyang mapapatupad that all will get into reality, but we want to recommend the right people for it, we want to recommend people who are really interested right now to serve,” sabi pa ni Liza sa panayam ng ABS-CBN.