‘Gary V Presents’ sa KIA Theater mas maraming pasabog

NAGBABALIK si Mr. Pure Energy Gary Valenciano para sa pagpapatuloy ng kanyang critically acclaimed at smash hit concert franchise na “Gary V Presents”. Magaganap ito sa KIA Theater, Araneta Center, Cubao, Quezon City sa Hulyo 15 at 16.  Ito ang ikatlo at pinakahihintay na installment ng “Gary V Presents” na nagkaroon ng matagumpay na maiden run sa bonggang Resorts World Manila noong nakaraang taon.

Sa direksyon nina Gary at ng anak na si Paolo Valenciano at sa musical direction ni Mon Faustino, isang must-see musical extravaganza ang “Gary V Presents” sapagkat tampok dito ang personal choice ni Gary ng mga bagong artists, na kinabibilangan ng The X-Factor Philippines season one top finalist na si Allan Silonga ng all-male vocal group na Daddy’s Home; world music singer Bullet Dumas at award-winning theater actress Carla Guevara-Laforteza.

Makakasama rin dito ang mga mahuhusay na singers ng The Voice gaya ng season one grand winner na si Mitoy Yonting, season one grand finalist Janice Javier, season one finalist RJ Dela Fuente, at season two finalist na si Timmy Pavino; Star In A Million season two grand finalist and R&B singer Jimmy Marquez; award-winning recording artist at singer-songwriter na si Kiana Valenciano; Suklay Diva Katrina Velarde at classical-pop singer Lara Maigue na parehong nagbida sa ng top-rating series ng TV5 na Trenderas. Ang singer-songwriter naman na si Abby Asistio ang magsisilbing opening act.

Pinili sila ni Gary upang maging bahagi ng concert dahil sa kanilang indibidwal na achievements bialng solo artists sapagkat mabilis silang nakikila sa larangan ng recording, live shows at local bar circuits, teatro, at telebisyon. Ipakikita ng kamangha-manghang repertoire ng ang mga well-loved hits ni Gary at pati na rin ang mga awitin na kanyang pinasikat sa nakalipas na 33 taon. “Kailangan ninyong mapanood ang concert na ito. Punumpuno ito ng pagmamahal at teamwork,” sabi ni Gary.

Ang “Gary V Presents” ay para sa benefit ng scholarship at diabetes programs ng Shining Light Foundation. For ticket inquires tumawag sa Ticketworld (911-5555) o sa 0917-5413389 at (632) 535-0786. Para sa mga karagdagang detalye about the concert, bisitahin lang ang www.garyv.com.