Yasmien handa nang masampal at masapak ni Katrina
EXCITED na ang GMA Artist Center star na si Yasmien Kurdi na magbalik-teleserye sa upcoming Afternoon Prime series na Sa Piling Ni Nanay. Matagal-tagal na ring hindi napapanood si Yasmien sa mga drama series ng GMA kaya isang welcome news ito para sa aktres at sa kanyang mga fans.
Makakasama niya sa seryeng ito ang ilan sa kanyang batchmates sa StarStruck tulad nina Katrina Halili at Mark Herras. Ready na rin daw ang Kapuso aktres sa pang-aapi at mga sampal na kanyang matatanggap mula sa karakter ni Katrina.
“Ine-expect ko nang malakas talaga ang mga sampal at sabunot ni Katrina sa akin. Kasi si Katrina ang tipo ng artista na ayaw ng fake. Gusto niya totoo lahat ng eksena. Okay lang naman kung ‘yun ‘yung mas feel niya na atake. Kahit bugbugin niya ako, it’s okay. Kaya ko naman po ‘yun,” natatawang tsika ni Yasmien Sa Piling Ni Nanay.Kaya abangan n’yo ang seryeng Sa Piling Ni Nanay na siguradong magpapainit na naman sa viewers ngayong tag-ulan.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.