Shaina pumayag umapir sa serye ng KimXi dahil kay…
PASOK na ang Kapamilya actress na si Shaina Magdayao sa book 2 ng Primetime Bida series ng ABS-CBN na The Story Of Us na pinagbibidahan nina Kim Chiu at Xian Lim. Isa lamang si Shaina sa mga pambatong aktres ng Dos na magkakaroon ng special appearance sa serye ng KimXi.
Sa kanyang Instagram account, nag-post si Shaina ng ilang litrato na kuha sa taping ng The Story Of Us. Aniya, gagampanan niya ang role ni Lucia Cristobal. Nilagyan niya ng caption ang photo na: “Sa ngayon, ang masasabi ko pa lang is….kulot siya!” Aniya pa, “Watch tomorrow and witness her story on #TheStoryofUsBook2 #soon Thanks #TSOU family for making me a part of your beautiful story.”
Ayon pa sa dalaga, hindi siya nagdalawang-isip na tanggapin ang nasabing project kahit hindi siya ang bida ay dahil sa bagong direktor ng serye na si Cathy Garcia-Molina. Nag-post pa siya ng isang picture nila ni direk Cathy kung saan makikitang inaayusan siya ng buhok.
“AY. Ayan sya. Ganyan sya. Ganyan po siya talaga. At tuwang tuwa din naman sya sa ginagawa nya ehhh noh? Masaya po siya sa pag kulot ng buhok ko kagabi. Ibigay natin My ‘playmate’ even before she became ‘THE CGM’ – ever since i started in the biz when i was….ok ill stop right here to not embarrass the two of us HAHA! And one of my favorite directors to work with.
“Im so happy to work with you again -after FourSisters, mahal kong Direktora kaya naman YES agad agad! #TheStoryofUSbook2. PS Hello Cameron @sdalrymple! Nagapagusapan ka namin kagabi ni Lucy!” ang mahabang caption na inilagay niya sa nasabing IG photo.
Disclaimer: The comments uploaded on this site do not necessarily represent or reflect the views of management and owner of Bandera. We reserve the right to exclude comments that we deem to be inconsistent with our editorial standards.