Sawa na sa pagkakatulong

Sulat mula kay Sabel ng Magkiangkang, Bayuga, Agusan Del Sur
Dear Sir Greenfield,
Matagal na kong nagkakatulong. 17-years-old pa lang ako hanggang sa ngayon na may asawa na at mga anak na ako ay katulong na ang trabaho ko. Hirap na hirap na ako sa kalagayan kong ito pero wala akong magawa dahil ito lang ang alam kong trabaho para makatulong sa aking mister. Naisipan kong sumangguni sa inyo upang itanong kung may pag-asa pa kaya akong makaahon sa pagkakatulong at guminhawa kahit konti ang aming buhay. Sana mabigyan n’yo rin ako ng numero na tatama sa lotto lalo na ngayong papasok na sa school ang mga bata wala pa akong pambili ng mga gamit nila. January 13, 1981 ang birthday ko.
Umaasa,
Sabel ng Agusan del Sur

Solusyon/Analysis:
Palmistry:
May malinaw na Guhit ng Biglang Suwerte sa iyong palad (Illustration 1-1 arrow 1.), ito rin ang guhit na tinatawag na Guhit ng Negosyo, (arrow 1.). Ibig sabihin, dalawang bagay ang magiging daan upang makaahon ka sa pagkakatulong—ang ikaw ay mag-negosyo o kaya’y bigla kang tatama ng malaking halaga sa anumang uri ng number games.
Cartomancy:
Eight of Diamonds, Seven of Clubs at Nine of Hearts ang lumabas (Illustration 1.). Ang mga baraha ang nagsasabing pagkatapos ng mga kahirapan at pagdurusa, sa susunod na taong 2017 hanggang 2018, may isang bago, mas maunlad at mas magandang buhay na darating. Sa panahong nabanggit, sa edad mong 36 pataas, ay makakaahon ka na sa pagkakatulong hanggang tulad ng nasabi na, tuloy-tuloy na ring uunlad at giginhawa ang inyong kabuhayan.
Itutuloy